Posted in Uncategorized

2019-2020 տարեվերջյան ամփոփիչ ստուգում. Լրացուցիչ կրթություն. Կիթառ

1.Ա. Դիաբելլի «Էտյուդ»

Անտոն Դիաբելլին ավստրիացի երաժշտական հրատարակիչ, խմբագրիչ և կոմպոզիտոր էր։ Նրա համար Լյուդվիգ վան Բեթհովենը գրել էր իր երեսուներեք «Դիաբելիի վարիացիաները»:

2.Ն. Պագանինի «Սոնատ»

Նիկոլո Պագանինին (1782-1840թթ.) իտալացի ջութակահար էր, կիթառահար և կոմպոզիտոր։ Նա իր համերգների ընթացքում նվագում էր միայն իր ստեղծագործությունները։ Պագանինին իր սիրած աղջկա համար մի քանի կարճ ու հեշտ ստեղծագործություններ էր գրել, որոնցից էր նաև «Սոնատ»-ը, որպեսզի իր սիրած աղջիկը նույնպես կարողանար կատարել դրանք։

Պագանինին ասել է «Պետք է ուժեղ զգաս, որպեսզի ստիպես զգալ»։

3.Օ. Զուբչենկո «Պոլկա»

Պոլկան չեխական ժողովրդական պար է։ Անվանումն առաջացել է չեխական pulka՝ կիսաքայլ բառից։ Այն պարել են զույգերով, շրջան բռնած՝ աշխույժ տեմպի մեջ։ 19-րդ դարում պարը հայտնի դարձավ ամբողջ Եվրոպայում։

4.Ե. Շիլին «Իսպանիայի ալիքները»

Իսպանիան պետություն է Եվրոպայի հարավ-արևմուտքում։ Զբաղեցնում է Պիրենեյան թերակղզու հիմնական տարածքը, Միջերկրական ծովում գտնվող Բալեարյան, Պիտիուսյան և Ատլանտյան օվկիանոսում գտնվող Կանարյան կղզիները: Հյուսիսում և արևմուտքում Իսպանիայի ափերը ողողվում են Ատլանտյան օվկիանոսի ջրերով, իսկ հարավում և արևելքում՝ միջերկրածովյան ջրերով։

Ե. Շիլինն իր այս ստեղծագործությունն անվանել է 《Իսպանիայի ալիքները》, քանի որ ալիքներն էլ այս երաժշտության նման մեկ ուժեղանում են, մեկ՝ հանդարտվում, մեկ բարձրանում են, մեկ՝ իջնում։